Ял пирки ҫырнӑ чухне сирӗн ҫакӑн пек йӗркене тытса пымалла:

Пӗтӗмӗшле

Чи малтан ял хӑш района кӗнине палӑртмалла. Кайран — хӑш ял тӑрӑхне кӗнине кӑтартмалла. Ун хыҫҫӑн район тӗпӗнчен миҫе ҫухрӑмра вырнаҫнине (кирлӗ пулсан — ял тӑрӑхӗн тӗпне миҫе ҫухрӑм пулнине). Унтан ҫӗнӗ йӗркерен ялти урамсене палӑртса тухмалла.

Статья пайӗсен йӗрки

• Ҫутҫанталӑк (кунта тавралӑха сӑнаса кӑтартмалла)
• Ял сӑнӗсем (сӑнӳкерчӗксен пуххи)
• Юнашар ялсем (кунта юнашар вырнаҫнӑ ялсене кӑтартмалла; ял урӑх района кӗрет пулсан — район ятне палӑртмалла)
• Ял кун-ҫулӗ
• Халӑх йышӗ
• Паллӑ ҫыннисем
• Хуҫалӑх
• Ҫул-йӗр
• Культура
• Палӑксем (кунта ялта тӗл пулакан е ун ҫывӑхӗнчи палӑксене кӑтартмалла)
• Каҫӑсем (ял тӑрӑхӗн сайчӗ ҫине тата пӗр-пӗр картта ҫине каҫма лартма ан манӑр)
• Ҫавӑн пекех пӑхӑр (кунта ялпа ҫšхӑннӑ ытти статьясене кӑтартмалла)
• Вуламалли